Kasus DBD Di Tabanan Menek, Uratiang Caranne Ngalidin
beritabali/ist/Kasus DBD Di Tabanan Menek, Uratiang Caranne Ngalidin
GOOGLE NEWS
BERITABALI.COM, DENPASAR.
Kasus DBD Di Tabanan Menek, Uratiang Caranne Ngalidin
Selantang warsa 2024, begehne kasus demam berdarah dangue (DBD) ane kaubadin di RSUD Tabanan suba menek signifikan.
Penyakite ene tusing wantah kena di anake ane suba tua dogen, nanging mase cerik-cerike, tambis-tambis sida ngawianang anake ngalahin di makudang-kudang panegara, rumasuk Indonesia.
Ane sida anggon ngalidin penyakite ene, lenan teken ngalaksanayang pamucehan sebun legu tur fogging ane sering, pidabdab ane paling luung wantah ngalidin penyakite ene uli cenik.
Dokter spesialas Penyakit Dalam RS Prof. Ngoerah Denpasar, dr. Kartika Tejawati, negesang yening DBD ento kakranayang olih virus dengue ane kaaba olih legu Aedes Aegypti, ane populasinne jagi suba ngabekang selami musim ujan.
“Nyamuk ane ngabe virus ene lakar nyegut manusane, ane ngawinang kramane ane ngelah sistem imun ane enduk sida kena penyakit demam berdarah” tegesne.
Ane dadi anggon ngalidin DBD, dr. Teja negesang mautama pesan ngupapira daya tahan tubuh. Yening suba imun tubuhe kuat, risiko infeksi demam berdarah sida katepasin.
Lenan teken ngalaksanayang 3M Plus pinaka tata cara ane utama ngalidin panglahlah DBD, dr. Teja mase ngorahin apang masyarakte ngalaksanayang vaksinasi DBD manut kadi anjuran dokter.
“Indike ene krana vaksinasi DBD sida nyangkepin magehin kulawarga rikala ngalidin penyakit dengue ane nuunang resiko keparahan” panglanturne.
Vaksinasi DBD suba karekomendasiang olih asosiasi medias miwah ada di Indonesia ane sida kaanggon olih krama ane mayusa 6-45 tiban. Satonden ngalaksanayang vaksinasi, kramane kaorahin apang makonsultasi malu aja dokter.
Yening anak ane terinfeksi DBD, ada makudang-kudang utsaha ane sida kalaksanayang di jumah satondene maan perawatan utawi tamba di rumah sakit.
Ane kapertama ento ngoyong saha istirahat cukup anggon ngawaliang bayu, nincapang asupan cairan, ajak ngonsumsi makanan ane bernutrisi. Yening suba demame tuun, pasien kaorahin apang berkonsultasi ajak dokter ane pacang ngamaang paracetamol anggon ngigisang gejalanne.
Nanging, yening ade pasien anak cerik, tusing kabaang ngemaang ibuprofen utawi aspirin krana sida ngawinang kaon di trombosit getihe.
“Nanging yening selami 24 jam anake cerik ngutah misi kondisine ane ngareredang enggalang abe ke Rumah Saking apang sida katulungin” pawewehne.
Editor: Putu Ayu Candra Dewi
Reporter: bbn/tim
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
