Pelaku Ane Ngamatiang Dagang Roti Di Jimbaran Kajuk, Makadadua Batisne Katembak
beritabali.com/ist/Pelaku Ane Ngamatiang Dagang Roti Di Jimbaran Kajuk, Makadadua Batisne Katembak
GOOGLE NEWS
BERITABALI.COM, DENPASAR.
Pelaku Ane Ngamatiang Dagang Roti Di Jimbaran Kajuk, Makadadua Batisne Katembak
Tim gabugan Polresta Denpasar suba ngidaang ngajuk M. Rafli Barizi (21) di wawidangan Banjar Semer Kerobokan, Kuta Utara, Badung, rahina Redite (23/2/2025) sawatara jam 18.30 WITA. Buruh bangunan uli Desa Kepuh, Kejayan, Pasuruan, Jawa Timur, ento katembak di makedadua batisne krana ngalawan rikala kajuk.
Tawange, Rafli ene dadi anak ane ngamatiang dagang roti, Kartini (65), ane kamatiang jumahne di Perumahan kori Nuansa Barat, Blok III, nomer 6, Jimbaran, Kuta Selatan, Badung, dina Redite (23/2/2025) sawatara jam 03.30 WITA.
Kajukne Rafli rumasuk enggal miwah dramatis. Suud kejadiane ento, iye lantas kakepung tim gabungan Polresta Denpasar di tongos mengkebne di toko bangunan UD Tano.
“Rikala tim teka, iye melaib ngacogin tembok” uli sumber,Senin (24/2/2025).
Selanturne, pelaku melaib nuju sisi kuri toko bangunan muwah ke paumahan kramane. Polisi ngedum tugas tur sambrag kanti pamuputne anake muani uli Pasuruan ento sida kajuk. Nanging, buruh proyek ene maan ngalawan kanti makadadua batisne katembak.
“Tersangka sida kasorang ben timah kebus krana negarang malaib”, baos uli sumber.
Uli interogasi, tersangka ene suba ngakuin nekat macelep ke umah korban (TKP) nganggo jan muwah menekin pagehan di durin umahne. Nanging, rikala lakar ngerampok, iye tawange teken korban ane pesu uli kamarne.
Ngalantur, korban gelu goraang iye maling. Paling, tersangka lantas ngamatiang korban baan tiuk ane abana tusing tuah acepok.
“korban kamatiang sadis pesan di tundu muwah paanne. Tiuk ento jemaka ulis mes proyek,” baos sumber.
Ningehang ade munyi uyut uli ruang tamu, pianak korban, Dika Putri Kartikasari, bangun. Pianakne pesu uli kamar muwah suba nulis memenne kasiksa. Ia lantas makesiab. Nanging, tersangka ngalanturang mekuk baongne iwah maluang sirahne di tehel.
Ngarasa korban suba mati, tersangka ngalaut malaib uli lantai dua muwah tuun nganggo jan di durin umahne, ngaba dadua HP gelah korban.
Tersangka Rafli jani suba katangklep tur enu kapriksa. Kasangkain, aksine ento tuah sangkaning motif ekonomi. Tersangka lakar ngerampok umah korban, nanging kenehne ento kapucehin baan korban ane pamuputne mati katusuk.
Kasus kajukne Rafli pangrencanane lakar karilis olih Polresta Denpasar di rahina Soma (24/2/2025).
“Lakar karilis dinane jani” baos Kasi Humas Polresta Denpasar, AKP Ketut Sukadi.
Editor: Putu Ayu Candra Dewi
Reporter: bbn/spy
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
Iklan Sponsor
